I’ve got a couple of weeks for working on upcoming projects, working at GREC‘s Language Cafe and visiting some schools! So no public events coming up in the near future.

Instead, I’d like to share this amazing CV in Poem Form written for me by the wonderful Sheena Blackhall, fa’s praises I canna sing highly eneugh! Photie taen on the wiy tae last year’s Portsoy Haal!

Thanks Sheena!

The Pauline Cordiner Rap– A Scottish Storyteller

Hae ye heard o a quine fa’s tales can be scary?
Wi a frien that has attitude, Fizzy the Fairy
Up at Banff Castle, sic jinkies, her ploys
Hae bubbly bairns fair kecklin wi joys

Princely puddocks, a gargoyle fas christened Marischal
Her hoose is fair hotchin, wi broonies incredible
Her hair it is reid as a Halloween flame
An a coo, contermacious whyles jynes in a game

Her events are excitin, fun an educational
Her traditional stories are verra inspirational
She can sing ye auld ballads or a cornkister
Wir you at Forvie fun day? Ye’ll be sorry ye missed her

Nature tales an folklore, tho the rain did doon pelt
Aden’s Fantasy Festival , her Vikin Tales telt
As an audience o littlins an drookit Alpacas
Stude in the doonpish an shook their maraccas

At the Northern Frichts, dragons heezed bi the score
At Tillydrone Librar there wir littlins galore
Fizzy’s fun pairties, Rhynie wifies, a crone,
The kelpie café aa cam intae her zone

Banchory St Ternan fair, Orkney’s Skara brae
Saw history cam alive far the stormy clouds stray
Castle Fraser, or rinnin adults’ ghaistie toors
Storytellin is oorie at the witchin oors

Dobbie’s Busy Beasties, Yuletide special day
Fur siller tae help fund a bairns’ charity
She’s run broomstick trainin skweels, fur trainee witches
An wizard hat craft – usin glue, glitter stitches

Her face peintin’s legend, wi speecial tattoos
She’ll makk the dourest bairn shakk aff the blues
She is fully insured, wi a PVG chitty
Is a member of equity, sings a mean ditty

Here’s a roll call of some of her festival showing
Cambridge and Glastonb’ry, reviews are glowing
Stonehaven and Girvan, Belladrum Tartan Heart
The Wizard performance, next, Science and Art

Spectra, Across The Grain, Banff’s bracin air
Strathern, Aiberdeen, an Perth Prehistory Fair
Glen Nevis, Portsoy, the Broch, Tarland as weel
The Doric Film Festival, a wide appeal

BBC Radio Scotland, an Radio fower
SHMU, Banchory Museum, the Maritime Tower
Aden , Drum, Crathes, an Fraser’s stoot waas
She cams intae her ain in historal haas

Muir of Dinnet , Arbuthnott , Duff Hoose, Peterheid
Turriff, Macduff, Duthie Park, jewels indeed
An the skweels! Tullos, Scotstown, Arduthie, Kaimhill
Robert Gordons, St Margarets, Banchory Hill

Skene Square an Auld Machar, Lairhillock, Meethill
Ferryhill Primary, Bracoden, Newtonhill
Ontae Projecks an ither community wirks
Pitscurry, an Mastrick, the quine niver shirks

Maryfield West Care Hame, Albyn Rainbows
North East Sensory Services, her talent shows
Persley Castle, the Phoenix Club, Inchgarth -nae lack
Future Choices, an Hilton, they aa wint her back

Dyce Caravans, Inchgarth, an Roxburgh Hoose
The Garioch, Inchmarlo, she’s couthie an douce
Portlethen, Kinellar, an Northfield’s rainbows
Pauline an Fizzy spreid joy wi their prose

Syne there’s Grand Circle Tours, tag team tales an the jyle
The World Storytelling Café, her stories beguile
Musica Workshops, Elphinstane’s Institute
Her sessions are thrillin’s a Cadona’s shute

Peacock Visual Arts, an the Bairns’ hospital
Hogmanay at Stonehaven, this quine musical
Wi her puppets an sangs she’s performed tae the best
The Seven Incorporated Trades , wi sic zest!

Shell Uk, Charles Michies, Diageo, Drummuir
Hidden Aiberdeen; she is a whizz at a tour
James Hutton Institute, Scottish Kids Show
Standard Life, an the Stompers, she’s rarin tae go

Aiberdeenshire Geocaching …noo there is a thing
She’s a haun on the pulse , fit the future micht bring
Sae dinna be blate…ye maun rin oot an book her
As fairyfowk gae, Pauline Cordiner’s a looker!